നിന്റെ ഇരുണ്ട കവിള്ത്തടത്തിലെ
വിരിയുന്ന നുണക്കുഴികളില്
ഒരു പൂവിനെയെന്നപോല് ഞാന് തൊട്ടു..
വാക്കുകള് ഉറഞ്ഞു പോയ
നിന്റെ വരണ്ട ചുണ്ടുകളില്
ഞാനെന്റെ ചുണ്ടുകള് കോര്ത്തു..
വിയര്ക്കുന്ന നിന് ഹൃദയത്തെ
ഞാനെന്റെ നെഞ്ചോടു ചേര്ത്ത് പിടിച്ചു ..
പ്രതീക്ഷയോടെ നിന് നേത്രങ്ങള്
എന്നെ നോക്കിക്കൊണ്ടിരുന്നു ...
കോര്ത്തു പിടിച്ച കൈകള്
വിരലുകള് കൊണ്ട് അകത്തിമാറ്റി
നാം കണ്ട സ്വപ്നത്തെ
മനസ്സ് കൊണ്ട് അറത്തുമാറ്റി
ഞാന് നടന്നകന്നു.....
ലക്ഷ്യം മറന്ന പഥികനെപ്പോലെ..
വറ്റിയ നിന്റെ കണ്ണുകളില്
അപ്പോഴും സ്നേഹം ചോരിയുന്നുണ്ടായിരുന്നു...
No comments:
Post a Comment